Kinami kiattup anoraasuarsua
Kinap kangia´tungaani ukiorpassuanngulersuni atsaat taama sakkortutigisumik kiattup anoraasuarsuanik maannakut anorersuarpoq.
Allattoq Elisa Isaksen
Inuit 2 millioninik amerlanerusut illoqarfissuup Shanghai-p eqqaaniit qimarnussuunneqarput. DR taama paasissutissiivoq.
Malissuit meterinik qulinik portussusillit sinerissamut qaarartuarput illut illuaqqallu sequtserlugit, anorip sakkortussusaa sekundimut meterimut 45-nik sukkassuseqarpoq.
Shanghai-p ilaa immap iluaniippoq, atuarfiit matoorarneqarsimapput, umiarsuillu angallanneri tamarmik unitsinneqarsimallutik.
Kiattup anoraasuarsua kangimut ingerlaarpoq, ilisimatuut nalilerpaat ukiut 100-it ingerlaneranni aatsaat taama aserukkat annertutigissasut.