Kinami inuit 140-it toqutaapput
Kinami ukiut 20-t matuma siornatigut akerliussutsimik takutitsisoqarneraniilli eqqissiviilliliornerit tamanna ajornersaattut oqaatigineqarpoq. Tusagassiortup Peter Harmsenip Kinami nunap immikkoortuini killerni susoqarnersoq matumani oqaluttuaraa, oqaluttuaralugulu Kinami oqartussaasut avammut ammanermik tupaallannartumik sooq takutitsiniarnersut.
- Ajornartorsiuttaavoq, sumiiffiit amerlanerpaat kineriseriunngitsunik, tassa allanit kingoqqisunit allatullut oqaasilinnit - pingaartumik musimiusunit, aammalu amerlanerparujussuartigut killeqarfiup avataatungaanut Asiallu qeqqani kunniitsuuffeqarfinnut assigiinngutsunut atassuteqartunit najugaqarfigineqarnerat, Peter Harmsen nassuiaavoq.
Soorliuna oqartussaasunit uigurit takusartakkatitulli taamarsuaq pineqartut?
- Kinap ilaa tamanna, kineserinit iperarumaneqanngitsoq, kunngiitsuuffeqarfiup arfinilerarterutaata missigaa, taamaalillunilu namminersulivinnissamik suliniuteqarneq sunaluunniit sakkortuumik illuatungilerneqartarluni.
Taamaalillutillu kineserit tamakkua TV-mi nunarsuarmi tamarmi takutitassanngortinnissaat toqqarsimavaat, tassami assit tamakkua assorsuaq aattaqarmata imaannaanngitsorujussuullutik amerlaqisunillu toqutaasunik ilaqarlutik.
Sooruna taamaaliortut?
- Ukiuni Intenetterqarfiusuni toqaannartumillu TV-kkut aallakaatitsisalerfiusumi tamakkua isertunneqarsinnaajunnaarsimapput. Aamma apeqqutaajunaarsimavoq, isertuussassaanersut isertuussassaannginnersulluunniit, apeqqutaalerlunili, taakkua nunarsuarmiunut qanoq isikkoq1artillugit paasitinneqassanersut, imaanngitsut qanoq pisoqarsimaneranik nunanut allanut nuunnerit oqaluttruassasut. Tassa manna kineserit tusagasssiorfinnik aqutsiniallaqqinnrulernerannut ersiutaavoq, Peter Harmsen Beijingimit nalunaarpoq.
