Kinami annattut maannamut 60-it
Illut sanaartukkallu allat aseqquini inuit suli uumasut nassaarineqartarput, ulloq unnuarlu kingulliinnaq inuit 60-it annaanneqarsinnaasimallutik, DR-ip nutaarsiassaqartitsivia taama nalunaarpoq.
Ullaaq nassaarineqartut ilagaat angut napparsimmaviup nakkaassimasup aseqquisa akornini suli uumatilluni nassaarineqartoq, nalunaaquttap akunnerini 139-ini matoorussaaqqasimavoq, suunngitsunnguanik kimillassimalluni, eqqumalluni nassaarineqarnerminilu paatsiveerusimaarani.
Annaassiniarneq alla Kinamiut TV-atigut ippassaq takuneqarsinnaasimasoq tassaavoq illoqarfimmi YingXiu-mi pisoq.
Yingxiu-mi hotelit ilaata aseqquini annaassiniartartut assaatillutik nukappiaraq aqqaneq-marlunnik ukiulik ajunngitsoq nassaaraat. Nukappiaraq erngerluni qulimiguulimmut ikitinneqarpoq, anaanaanullu ernumasimaqisumut neriuutaarutivissimasumullu oqqunneqarluni. Soorunamigooq nuannanneqaqaaq.