Kinami akerliussutsimik takutitsisut sakkortuuliorfigineqartut
Kinap ilaani Guangdongip kujasissuani pequsiorfimmi sulisut 1.500-t sulinerminnut atatillugu isumaqatigiissutit naammaginngisatik pillugit akerliussutsiminnik takutitsisut, Kinami politiit gassimik qulliliornartumik igeriussiffigisimagaat, pequsiorfiup pisortaa nutaarsiassaqartitsivimmut Reuters Bureau-mut nalunaarpoq.
Pequsiorfimmi sulisut arnat ilaat gassip qulliliornartup puuanik eqqorneqarnermi kingunerisaanik toqutaasoq, Radio Freen Asia tusarliussivoq.
Sulisut 14-t aamma politiinit tigusarineqarput, suliffiulli pisortaa ajunaartoqannginneraavoq.
Pequsiorfimmi sulisut internetikkut nalunaarumminni –januaarimi pisut akerliussutsimik takutitsinerminnut pissutaanerarpaat. Taamani Kinamiut ukiortaarsiornerannut atatillugu feriannginnerminni sulisut sulinermut isumaqatigiissutinut allanneqanngitsunut atsioqquneqarsimapput.
Sulisut taama pineqarnertik naammaginagu ullut qulingiluassaa suliumajunnaaqqapput, pequsiorfiullu pisortaata ilimaginngilaa qanittukkut isumaqatigiissuteqartoqarsinnaassasoq.
