Kinami ajunaartut maanna 8.500-t pallikkunarpaat
Kina-p kujataata kippasissuani nuna sajorujussuarmat provinsit ilaanni inuit 8.500-t ajunaarsimanissaat ilimagineqarpoq, sulilu amerlanerit ikiligaasimanissaat naatsorsuutigineqarluni.
Oqartussaasut tusagassiorfiillu taama ilisimatitsipput, nunalli sajussimanera pillugu annertunerusumik oqaaseqarusunngikkallarput, ilimagaalli inuilli ikinnerpaamik 10.000-it ikiligaasimanissaat naatsorsuutigineqarpoq.
maajip 12-at 2008 17:25
Kinami nutaarsiassaqartitsivimmi, Xinhua-mi, allaaserineqarpoq, nuna sajummat illoqarfimmi Beichuanimi illut 80 procentii aserortut. Siusinnerusukkullu nalunaarutigineqartut naapertorlugit, ilinniarnertuunngorniat 900-t atuarfitsik nunap sajunneranit uppikarmat matoorussaasimassasut. Kinamilu pisortatigoortumik tusagassiorfiit ilutigalugu ilisimatitsissutigaat illorpassuit uppikaasimammata ikiligaasut ajunaartullu amerlaneroriaannaasut.
Nunap sajunnerata kinguneranik inissiarsuarni portusuuni najugallit qimarngussorneqartariaqarsimapput, nunallu sajunnera Beijingimi allaat malugineqarsinnaasimavoq.
Oqartussaasut sakkutuunik annaassiniartussanik illoqarfimmut Sichuanimukartitsisariaqarsimapput.
