Kinaassusersiutit navianartorsiortinneqalersimapput
Kalaallit Nunaata Radioani kalaallit oqaasiinik atuinermi siunnersorti Peter Frederik Rosing oqarpoq, inuit nammineq akiliillutik saqqumiunniagaat kukkuneqaraluarpataluunniit akuliuffigisassaanngitsut. Illuatungaatigut ilinniartitsisoq soraarneq Ado Rasmussen oqarpoq, Peter Frederik Rosing isumaqatigisinnaagaluarlugu kisianni Pisortatigoortumilluunniit isumaqatigiinniartoqarsinnaasoq, inuit ataasiakkaat imaluunniit Pisortat suliffeqarfiini sulisut piginnaatitaasinnaasut kukkunerit ataasiakkaat naqqisussallugit.
Oqaasileriffimmi atorfilik, Nuka Møller oqarpoq, assersuutigalugu Kalaallit Nunaata Radioatigut pilluaqqusinerni kinaassusersiutinik kukkulluni atuinerit naqqissorneqarsinnaalernissaannik apeqqut, Oqaasiliortunut suliassanngortissallugu piukkunnartoq.
Ilanngutassiaq Qanorooq-mi unnugu isiginnaarneqarsinnaavoq