Kina pillugu ataatsimiinnermi tusagassiortut peqataaqqusaanngitsut

Sulisitsisut inuussutissarsiorneq pillugu sapaatip akunnerani matumani ataatsimiisitsipput, tassani Kinap nunatsinnut attaveqarnerani unammillernartut periarfissallu assigiinngitsut eqqartorneqarput. 
marsip 23-at 2019 16:52

Ataatsimiinnermut Sermitsiaq.AG-ip peqataanissaa PET-imit, tassa Politiit Isertortumik Paasiniaasuinit, akuerineqanngilaq. 

AAMMA ATUARUK Løkkep neqerooruteqarneratigut Kina ingalassimaneqassaaq

Sulisitsisut nittartagartik aqqutigalugu ataatsimiinnissamut qaaqqusipput. Aviisip Sermitsiaq.AG-p ataatsimiinnermi malinnaanissaa akuerineqaqqaaraluarpoq. Ataatsimiinnerli aallartinngilaartoq PET-p nalunaarutigaa, ataatsimiinnermi tusagassiortunik peqataasoqassanngitsoq. 

AAMMA ATUARUK Kina saffiugassanik qaqutigoortunik Kuannersuarneersunik pisiortorusuttoq

Sermitsiaq naapertorlugu ataatsimiinnermi pisortat 25-t peqataapput. 

PET-p tusagassiortunut oqaaseqartartuata tallimanngornermi nalunaarutigaa, peqataaqqusinnginneq kukkunerusoq, PET-p Sulisitsisullu akornanni paatsooqatigiittoqarsimammat. 

- Ataatsimiinneq tamanut ammasuugaluarpoq. Aaqqissuinernut assingusunut qaammatini tulliuttuni pisussanut tusagassiortut tikilluaqqusaapput, PET-p tusagassiortunut oqaaseqartartua KNR-imut oqarpoq. 

GE-p pisoq ajuusaarutigigaa, kattuffik KNR-imut nalunaarpoq. 

AAMMA ATUARUK Naalakkersuisoqatigiit Kinami sinniisoqarfeqalerusupput