Kina Nunatsinni nukittunerpaava
Nuummi Unnuk Kulturisiorfimmi pisussat assigiinngitsorpassuupput, pissanganartunillu ulikkaarpoq. Nukkassartarfik Fitness.gl Unnuk Kulturisiorfimmi aamma peqataassaaq, ukioq mannalu nukittunerpaaq, unammissutissat assigiinngitsut pingasut atorlugit nassaarineqassasoq Fitness.gl-ip tusagassiuutinut nalunaarummi allaaseraa.
Kalaallit Nunaanni nukittunerpaami peqataasussat tassa unammersuartinneqassapput, unammissutit assigiinngitsut pingasut atorlugit nukittunerpaamik nassaarniartoqassalluni.
Immikkut ittumik qaanniortoqarsimavoq, qajaq saviminermit sanaaq oqimaaloqutserneqarsimasorlu.
Umimmaap niaqua oqimaaluttanik Umimmak walkimik taaguuserneqarsimasumik 250 kiilunik pilersorneqarsimasumik kivitsilluni ingerlaartoqassaaq.
Peqataasullu biilit 2800 kiilunik oqimaassusillit 25 meterinik kalissavaat, unammeriaaseq Amuarneq pull-imik taaguuserneqarsimalluni.