Naalakkersuisuni siulittaasup Hans Enoksen-ip Kina-mut angalanera naammassisoq Naalakkersuisut allattoqarfianit nalunaarutigineqarpoq.
Angalanermi Royal Greenland-ip niueqatigisartakkani alakkartersimavai, ilaatigut Kina-mi aalisakkanik niuertartut annerit ilaat Pacific Andes, pulaarneqarsimalluni. Angalaqataasunit paasineqarpoq, sooq nunat allat Royal Greenlandilu Kina-mi sulisitsinersut.
Aalisakkerivissuaq 15.000-nik sulisoqarpoq, sulisullu akinnermut taamaallaat 4 koruunit missaannik akissarsiaqarlutik sapaatip akunnerani ulluni arfinilinni ullormut akunnerit qulit sulisarput.
Kalaallit Nunaanni sulifeqarfiit arlallit Kina-mik suleqateqarsinnaanertik periarfissaqarsoraat, Kina-mi sulisorineqarsinnaasut akikinnerummata, Kiniserillu pisisinnaassuseqarluarmata.
Kina-mut angalasut ullumikkut nunatsinnut apuutissapput.