Kina-miut nunatsinni uuliasiorsinnaanermut neqeroorfigineqarput

marsip 05-at 2006 13:37

Kiniiserit nunatsinni uuliaqarneranik ujaasinermi peqataasaapput. Naalakkersuisut siulittaaasuata Hans Enoksen-ip arfininngormat Kinamiut uuliasiornissamut ujaaseqataasinnaanerannut qaaqqusissut Kinap Danmarkimi ambassadørianut Zhen Jianguo-imut tunniuppaa.

Tassuma qaaqqusissut Kinami oqartussanut kiisalu uuliasioqatigiiffimmut CNOOC- mut apuuttussanngorpaa.

- Nunatsinni uuliamik ujaasinissamut piginnaatitsissummut neqeroorut siullermeertumik Kinami oqartussanut tunniunneqarpoq, Canadami Amerikami avannarlemi kiisalu Europami uuliasiortut nunatsinni uuliasiornissamik aamma neqerooqqussummik tunineqareerput, naalakkersuisut siulittaasuat Hans Enoksen oqarpoq.

Uuliasiorsinnaanermut qaaqqusissut tunniunneqarpoq Namminersornerullutik Oqartussat nersornaasiuttagaannik Nersornaammik Kinamiut ambassadørianut tunniussisoqarneranut atatillugu.