Kina-mi aningaasaqarnerup siuariartupiloornerani suliffissaaleqisut amerliartuinnarput.
Kina-mi illoqarfissuit suliffissaaleqiffiusussanngorput, suliffiit 11 millionit ukioq manna taamaallaat pilersinneqartussaammata.
Kina-mi naalakkersuisut nalunaarutigaat inuit 25 millionit suliffissaaleqissasut.
-Suliffissaqartitsiniarnerup iluani suliassaq annertooq kivittussanngorparput, naalakkersuisut ineriartornermut aaqqissuusseqqinnermullu ataatsimiititaliaata nalunaarusiaani allaqqasoqarpoq.
Naatsorsuutigineqarpoq nuna tamakkerlugu inuit 17 millionit suliffissaqalernissaat, millionilippassuilli allat suliffissaarutissasut. Taassumalu suliffissaqarniarneq ajornakusoortikkaa, ataatsimiititaliap nalunaarusiami allaaseraa.
Kina-mi aningaasaqarnerup ukiuni 25-ni kingullerni qaffariartupiloornera Kina-mi piitsorpassuit suliffeqarfiillu naalagaaffimmit pigineqartut annikitsuinnarmik iluanaarutigaat.