Kina-mi illoqarfittut pingaarnermi Beijing-imi 2008-mi OL-ertoqalerpat, saliinersuaqassasoq, Kina-mi pisortat siunnersuuteqarput.
Illoqarfiup kusanartutut isikkoqarnissaa anguniarlugu, saliinissarsuarmut pineqartoq tassaavoq, sulisartut millionit sinneqartut illoqarfimmit Beijing-imit aniatikkallarneqarnissaat.
Maannakkorpiaq Beijing-imi timersortarfissuit OL-ertoqarnissaanut atatillugu sanaartorneqaleruttorput, sulisartorpassuillu illoqarfeeqqaneersut aggiasimapput, sanaartornernut peqataajartorlutik. Sulisartullu aqqusinermi kusanaatsunngorsaasutut pisortanit nalilerneqarsimapput.
Qinusartut eqqaavissiortartullu ikilisarneqarneqarnissaasa saniatigut, atortittartut aamma ikilisarneqarallarnissaat pisortanit siunnersuutigineqarpoq.
Beijing-imi politikkerit OL-ertoqarnissaanut piareersarnermi siunnersuutaat katillugit 65-iusut ritzau allappoq.