Kina-mi ateq nutaaq: Olympiadimi unammiuaarnerit
Angajoqqaat Kinamiut amerliartuinnartut Olympiadimi unammiuaarnerit ingasaallugit tapersersorpaat. Tassami meeqqatik atsertarpaat Aoyn (a’o’yun), taannalu Kinamiutuuvoq isumaqartoq ‘Olympiadimi unammiuaarnerit’.
Allattoq Louise M. Kleemann
juunip 12-at 2008 13:42
Nutaarsiassaqartitsivimmi BBC-mi ullumikkut taama allaaserinnittoqarpoq.
Ukiuni kingullerni 15-ini Kinami meeqqat 4.000-it taama atserneqarsimapput. Taama atsiisarneq 1992-imili aallartippoq, tassami taamanili Kinap OL-imik ingerlatserusunnini nalunaarutigaa.
Meeqqat Aoyn-imik atserneqartut siulliit amerlanerit nukappiaraapput, maannali atermik ataqqinartumik taassuminnga atillit 8 procentii niviarsiaraapput.
Meeqqat oqariaatsimut assingusumik atserneqartarnerat Kinami takornartaanngilaq. Assersuutigalugu Kinamiut 300.000-it ateqarput Atugartuussuseq.
