Qaartartunit eqqorneqatsaaliorluni qimaaffissaliat, toqqit sakkutuullu atortuinut toqqorsiviit qoorumi Galwanimi qaammat kingulleq soqanngitsumi ipput.Assi: AFP/Ritzau Scanpix

Kina Indialu killeqarfik pillugu akersuunnerulersimanissaat qaammataasiamit assilisani ersertoq

Kina Indialu ukiorpassuanngortuni akersuupput, akersuunneralli qaammammi kingullermi sakkortuseriarsimalluni.

Kina Himalayap qaqqaani Kinap Indiallu killeqarfiata eqqaaniittumi sakkutooqarfiliorsimarpasittoq qaammataasiamit assilisani nutaani takuneqarsinnaasimavoq. Nunat taakkua marluk sakkutuuisa akersuunneranni indiamiut sakkutuui 20-t qaammammi matumani toqutaapput.

BBC avataarsuami teknologi pillugu suliffqarfiup Maxarip juunip ulluisa 22-anni assilisimasai tunngavigalugit taama allappoq.

Qaartartunit eqqorneqatsaaliorluni qimaaffissaliat, toqqit sakkutuullu atortuinut toqqorsiviit qoorumi Galwanimi qaammat kingulleq soqanngitsumi ipput.

Nunat taakkua marluk atomip nukinga atorlugu sakkussiornermi pissaanilissuit akersuunnerat piffissami kingullermi sakkortusiartorpoq, killeqarfik pillugu isumaqatigiinnginneq pissutigalugu.

AAMMA ATUARUK Tusagassiorfiit: Indiamiut sakkutuui qulit Kinamit iperagaapput

Kinamiullu sakkutuuisa ilaat akersuuttoqarnerani toqusimassangatinneqarput, tamannali uppernarsarneqarani. Kinamiut sakkutuui 41-t Indiamiut nutaarsiassaqartitsiviat ANI naapertorlugu toqutaasimapput.

Kina Indialu qaammataasiamit assilisat kinamiulluunniit sakkutooqarfiliorsimagunarnerat pillugit oqaaseqanngillat.

Nunat taakkua marluk akornanni akersuunnerit sakkortunersaat juunip ulluisa 15-ianni pivoq. Nunat taakkua sakkutuuvisa akersuuttarnerat pillugu imminnut pisuutipput.

Kina Indialu ukiorpassuanngortuni akersuupput. Aalajangersimasumik killeqarfeqalernissaanut isumaqatigiinngittuartarsimapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat