Kina arsallammanngussava?

Arsaalluni pissartanngorniunneq unnugu naammasissaaq B-67 Nuummeersoq aamma Nagdlúnguak Ilulissaneersoq finalereerpata. Assigiinngitsunik nersornaasiisoqassaaq arsallammallu KNR-imit toqqarneqarumaarpoq.
Allattoq Noah Mølgaard
aggustip 11-at 2012 13:14

Pissartanngorniunnerit sapaatiummat ualikkut aallartittut arfininngornermi unnukkut naammasissapput unamminerit 24-issaat naammassippat. Ilulissat timersortarfianni ujammit unnugu agguaanneqassapput aammalu nersornaasiinerit assigiinngitsut pissallutik.

Dommerit Sukataallammak aamma Arsalerillammak toqqassavaat. Arsallammammik toqqaasarneq 1989-imi aallartittoq ukiormanna peqqissaaq KNR tassani tunniussisuussalluni.

Arsallammattut toqqarneqartut klubbinit peqataasunit inassutaavoq. Klubbit tamarmik ataatsimik taasiffissamik tunineqarnikuupput taasinerillu maanna kisinneqarput dommerit nakkutilliisoralugit. Arsallammanngortup aqqa unnugu aatsaat tamanut tusarliunneqassaq. Siorna arsallammanngortoq Nukannguaq Zeeb G-44-meersoq 2012-mi arsallammanngortup pokalissaanik tunniussisuussaaq.

Arsallammanngortup assiga atialu unnugu KNR.gl-imi saqqummiunneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq