Kimmut sineriammi ullup sinnera anorersuassasoq

Nunatsinni anoraasuaq pingaartumik Sisimiut Paamiullu akornanni ulassaarsuartut sakkortutigivoq.
Nunatsinni pingaartumik Sisimiut Paamiullu akornanni tassa kujataata kitaatalu akornanni anorersuarneruvoq. Anoraasuaq ulussaarsuartut sakkortutigivoq. Toqqorsivimmit assi Assi © : Frank Wille
Allattoq Christine Hyldal
januaarip 19-at 2022 10:35

Kimmut sineriammi anoraasuarnera sekundimut 40 meterinik sakkortussuseqarpoq.

Nuummi bussit ullaaq manna uninngapput.

Kommeqarfik Sermersuup Nuummi angajoqqaat meeqqaminnik atuarfinnit meeqqerivimmiillu angerlarsimatitsisinnaasut angerlarsimatitseqquai.

Atuarfiit meeqqeriviillu angajoqqaat sulisariaqartut meeraasa paarineqarsinnaanissaat pissutigalugu tamarmik ammapput. Atuarfiilli nittartakkatigut atuartitsinermik ullumikkut aaqqissuussinngikkunik meeqqat angerlarsimaffimminni suliassaannik angerlaassititsissapput.

Pississaartarfinnik trampoliinanik allanillu teqqaasoqarsimanngitsoq, politiit nalunaarutigaat.

Atortunik teqqaasoqanngitsoq

- Anorersuarneranut attuumassuteqartunik nalunaaruteqarfigineqanngilagut. Teqqaasunik aqqusinikkullu ajutoornernik nalunaartoqanngilaq, Gideon Quist oqarpoq.

Nunatsinni pingaartumik Sisimiut Paamiullu akornanni tassa kujataata kitaatalu akornanni anorersuarneruvoq. Anoraasuaq ulussaarsuartut sakkortutigivoq.

- Ualimut anoraa 13-imut 14-imut sakkortussuseqartumut natsimaninnguukkiartussaaq. Unnuullu ingerlanerani suffarinnguukkiartussalluni, DMI-p nunatsinni silasiortua, Mette Wagner oqarpoq.

- Sisimiuni ualimut natsimaneq anorersuannguuttassaaq, kingornalu 18-inik sakkortussuseqartumik natsimanerulissalluni. 

Aqagu issileqqissasoq

Nunatta kitaani avannaata kitaanilu aqagu issileqqissaaq.

Sisamanit pingasunut issippoq, Sisimiunili issinnerpaalluni. Anoraa ullup naajartornerani qatsoriartulissaaq.

Sisimiunit, Nuummit, Kangerlussuarmit Paamiuniillu ullumikkut timmisartuussinissat taamaatinneqartut, Air Greenlandip paasissutissiissutigaa.