Kimittuunik imigassaarniartoqarnera politiinik nalornisitsivoq

Qaanaap imerniartarfiani imigassanik kimittuunik tuniniaasoqareersorlu, ilumut kimittuumik imigassaarniartoqaqqusaannginnersoq, politiinit nalornissutigineqalerpoq.

Qaanaami kimittuunik imigassaarniarneq 2007-imili inerteqqutaalerpoq. Ukioq mannalu februaarip 17-ani Naalakkersuisut peqqussummik atuutsitsilerput. Peqqussumi pineqartumi, Qaanaami, Illoqqortoormiuni, Tasiilami nunaqarfiinilu imigassat kimittuut inerteqqutaanerat aalajangersarneqarpoq.

Imerniartarfimmili imigassamik kimittuunik tuniniaasoqarsimanera Qaanaami

politiit arfininngornermi unnukkut ilisimalersimagaluarpaat, inatsisilli tungaatigut nalorninertik pillugu iliuuseqarsimanatik.

- Qaanaami kimittuunik imigassaarniarneq ilumut inerteqqutaanersoq qulakkeerniarlugu maanna misisssuivugut, vicepolitimester Morten Nielsen qarpoq.

Politiit inatsimmik taassuminnga ilisimasaqannginnerat Morten Nielsenip

eqqumiiginartoqartinngilaa, erseqqissarpaalu inatsisinik nassuiaaneq imaannaanngitsuusoq.

- Taamaattoqartillugu eqqunngitsumik iliuuseqartoqarsimanersoq nalilerumallugu, inatsisiliortut isummertikkusuttarpagut, Morten Nielsen oqarpoq.

Imigassat kimittuut 2007-imi inerteqqutaalernerisa kingorna, kimittuunik imigassaarniartoqarsimanersoq Morten Nielsenip oqaatigisinnaanngilaa.

Kommunip akuerisaanik imerniartarfik kimittuunik imigassaarniarsimanngitsoq Qaasuitsup kommuniani borgmesteri Jess Svane naqissusiivoq.

- Politeeq taavaniissimasoq nalornissuteqarsimasoq paasivarput, kisianni politiit inatsisinik atortitsiniaasuupput aamma nalornissuteqarunik attaveqarfissaminnut paasiniaasimasariaqaraluarput, Jess Svane oqarpoq.

Kimittuunik imigassaarniartoqarsimaneranut atatillugu inatsimik unioqqutitsisoqarsimappat, suliamik aallartitsisoqassasoq politiinit oqaatigineqarpoq.

Qaanaami imerniartarfimmik piginnittoq sammisamut tunngatillugu oqaaseqarumanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat