Kommuneqarfiit kattuffiata KANUKOKA-p qarasaasiaqarfimmik KIMIK IT-mik eqqartuussivilersuussinera ullaap tungaani aallartissaaq.
KANUKOKA 12,5 million koruuninik KIMIK IT-mit suliffeqarfimmillu pilersitsisunit taarsiivigeqquvoq. Kattuffik isumaqarpoq, kommuneqarfiit qarasaasiaqarfiannik pilersitsinissamut periarfissamik annaasaqarnertik aningaasarpassuarnik naleqarsimammat taarsiisoqartariaqartoq. Nunatta Eqqartuussiviani eqqartuussisoq Søren Søndergård Hansen ilisimatitsivoq.
KANUKOKA-p qarasaasiaqarfiup kattuffimmit avissaartinnissaa, taamalu piginneqatigiiffinngortinneqarnissaa 1990-ikkut naalerneranni kissaatigisimavaa. Pilersaarutilli arriisaarunneqarmata qasaraasiaqarfimmi sulisut namminneerlutik piginneqatigiiffimmik KIMIK IT A/S-imik pilersitsisimapput.
Eqqartuussivilersuussineq ullumimit marlunngorneq ilanngullugu ingerlanneqassaaq, arfininngorpat eqqaassanngikkaanni. Nunatta Eqqartuussiviata ilisimannittut 16-it apersussagai, Søren Søndergård Hansen oqarpoq.