Kim Neumann Nielsen Akileraartarnermut Aqutsisoqarfimmi pisortanngorpoq
Neumann Nielsen 2013-imi juunip qaammataaniilli Akileraartarnermut Aqutsisoqarfimmi Aqutsisoqarfiup pisortaagallartutut atorfeqarsimavoq, Atorfinitsitsisarnermullu Ataatsimiititaliap isumaqatigiittup inassuteqarnera naapertorlugu 2013-imi novembarip aallaqqaataani atuutilersumik 41-nik ukiulik Kim Neumann Nielsen Akileraartarnermut Aqutsisoqarfimmi Aqutsisoqarfiup pisortaatut nutaatut Aningaasaqarnermut Nunamullu Namminermut Naalakkersuisoqarfimmit atorfinitsinneqarpoq.
Allattoq Peter Troelsen, Simon Uldum
oktobarip 29-at 2013 08:36
Akileraartarnermut Aqutsisoqarfimmi pisortanngortussaq misilittagartuujuvoq. Kim Neumann Nielsen Nunatsinni akileraaruserisarnermik 2001-imi suliaqalerpoq, tamannalu sioqqullugu Danmarkimi SKAT-imi atorfeqarsimalluni.
Kim Neumann Nielsen taamatut suliaqarsimanermi saniatigut aamma akileraaruserisarneq pillugu ilinniartitsisarnermik aaqqissuussineq naammassisimavaa pisortatullu aqutsinermik ilinniarneq aamma naammassillugu. Taamaammat angut misilittagartooq novembarip aallaqqaataani pisortatut sulilertussanngorpoq.
