Suleqatigiissitsisut: Kim Lyberth

Ateq: Kim Lyberth

Partii: Suleqatigiissitsisut

Ukiut: 58-it 

Ilinniagaq: Aalisarnermi teknologiimi civilingeniøri/ faglæreri

Inuttut inissisimaneq (ilaquttat/qitornat): Avinneq, pingasunik meeralik

Sunngiffimmi soqutigisat: Aallaniarneq aalisarnerlu

Folketingimut qinigaassaguit pingaarnertut sulissutigerusutatit pingasut suuppat?:

Digitaliusumik ilinniartitsinikkut siuttuunissaq, allaat nunaqarfinni avinngarusimanerpaani pitsaasumik ilinniartitsisinnaanerput anguniarlugu.  

Inuusuttuaqqanut aamma inersimasunut ilinniartitsinerup ingerlannerani annertunerusumik naammassisaqarsinnaaneq anguniarlugu teknologiimik atorluaaneq, aamma isumaginninnermi eqqugaanerluttut ilinniarteqqinnerat aamma nakkutigineqarnerat taamatullu ingerlatsinermi ilinniartitsisut pisariaqartitsigunik suliap tungaatigut tapersersorneqarnissaat. Ataqatigiimmik aaqqissuussinermik ineriartortitsissaaagut, tassanilu ilinniartitsisut Danmarkimeersut nunaqarfinni isorliunerusunilu ilinniartitsisunut tapersersuisuussapput. 

Taamaaliornikkut annertunerusumik ineriartortitsineq pisariaqartinneqarpoq tamannalu Danmarkip suleqataaffigiumaneraa isumaqatigiissutiginiarneqartariaqarpoq. Teknologiinik avatangiisini ilungersunarnerpaani misileragassanik ineriartortitsinissarmik isumaqatigiissuteqarnissaq eqqarsaatigigaanni Kalaallit Nunaata misileraanerni pitsaanerpaamik avatangiiseqarnerata nittarsaannissaa pillugu danskit ingerlatsiviinik danskillu folketingiannik suleqateqarnissaq pissusissamisoorpoq.  

Isumaginninnerup tungaatigut unammilligassanik naammassinninniarnermi soqutiginnittut tamaasa suleqatiginissaat.  
Naammassisaqarnerusumik sulianik ingerlatsineq anguniarlugu nuna tamakkerlugu pilertortumik ataqatigiimmik aaqqissuussinermik eqqussineq. Pingaartumillu meeqqanut inuusuttunullu navianartumik inissisimasunut kinguneqarluartumik ikiorsiinissaq.
Massakkorpiaq unammilligassanut tunngaviusut oqilisarnissaannut aaqqissukkamik suliniuteqarnissaq. Assersuutigalugu suliffiit, ineqarfiit, inunnik angallassinerit, inuuniarnermi ataatsimut isigalugu aningaasartuutit il.il. pillugit. 

Peqqissutsimut suliaqarfik, nunat avannarliit suleqatigiinnerat aamma tarnikkut nappaatinut tunngasut aamma sulisussanik pissarsiniarneq aalajangiussisimanissarlu. 

Nalaagaaffeqatigiinnerup iluani taannalu aqqutigalugu nunat avannarliit nakorsanik sulisunillu immikut ilisimasalinnik paarlaateqatigiiffigisarnissaat pillugu qaninnerusumik suleqatigiinneq. 

Suut neqeroorutigineqarsinnaaneri/ neqeroorutigineqartussaneri pillugit isumaqatiginninniarnissap qularnaarnissaa naalaagaaffeqatigiinnerup iluani innuttaasunut tamanut minnerpaamik naligiimmik periarfissaqarnissap neqeroorutiginissaa. 

Napparsimasunik sullissinermi isumannaatsuunissaq annertunerusoq qularnaarniarlugu nunat avannarliit peqatigiinnerannik suleqateqalernissaq qitiusumik ataqatigiimmik aaqqissukkamut Kalaallit Nunaat ilanngutitinneqartariaqarpoq, tassani allassimapput nakorsat, tarnikkut nappaatinut nakorsat, peqqissutsimullu tunngasutigut sulisut allat ingerlatsinerlunnertik pillugu nalunaarsuuserneqarsimasut, atuuffimminnik arsaagaasimasut il.il.  

Kalaallit Nunaanni peqqissutsimik suliaqarfiup sulisussarsiorneranut atatillugu nakorsanik, nakorsanik immikkut ilisimasalinnik, peqqissaasunik pingaartumillu tarnikkut nappaatit nakorsaannik pissarsiornerit atatiinnarnissaanullu nutaamik isumaliutersuusiornissaq anguniarlugu Danmarkimik suleqateqarnissaq pingaartuuvoq.

Kalaallit Danmarkimi najugaqartut pitsaasumik inuuneqarnissaat qanoq ilillutit qulakkeerinneqataaffigisinnaaviuk?
Ilanngutititsinissamut ataatsimut aaqqissuussinerit Namminersorlutik Oqartussanit danskillu aningaasaateqarfiinit aningaasalerneqartut nukittorsarneqarnissaat.
Kalaallit Nunaannut nuuttut kalaallillu Danmarkimi ilinniartut Kalaallit Nunaannut attaveqarnerisa ingerlaannarnissaat pillugu periusissanik ineriartortitsinissaq sulissutigissallugu. 

Folketingimut qinigaassaguit statministerissatut sorleq tapersersussaviuk?
Nunatta iluani pisunut Danmark akulerunneq ajorpoq, aama uagut taamaaliornianngilagut, isumaqatigiinniarnerit tamanna aaqqikkumaarpaat.