Kim Larsen & Kjukken nunatsinni tusarnaartitsisussanngorput
Nipilersortartoq Kim Larsen ukioq manna maajip naalernerani Ilulissani Sisimiuni Nuummilu tusarnaartitsisussanngorpoq.
Allattoq Louise M. Kleemann
Maajip 23-iani Ilulissani nipilersussaaq, aqaguanilu maajip 24-iani Sisimiut timersortarfiani nipilersussalluni. Maajillu 29-iani Nuummi Inussivimmi nipilersussaaq.
Bilitsinik tuniniaaneq aqagumiit marsip 14-ianiit illoqarfinni pineqartuni aallartissasoq oqaatigineqarpoq.
Tusarnaartitsinissamik pilersaarusioqatiittuupput Nuummi kulturikkut illorsuaq Katuaq, Sisimiuni SAK Ilulissanilu Sermermiut.
aningaasaleeqataapputtaaq Nuna Fonden aammalu Air Greenland.