Assi: GoogleMaps

Kim Kielsenip angerlarsimaffia serlersaarfigineqartoq

Naalakkersuisut siulittaasuata angerlarsimaffia marlunngormat ualikkut serlersaarfigineqarpoq. Angut serlersaarisoq poliitinit kingorna tigusaavoq.

Kim Kielsenip Nuummi Nuutoqqami illuata igalaavisa ilaat marlunngormat nal. 16.30 missaani aserorneqarpoq.

Angut "aalakoorluni naammagittaalliortoq" igalaamik aseruisuusoq, Søren Bendtsenip Kalaallit Nunaata Politiivini sillimasut pisortaata KNR-imut paasissutissiissutigaa.

Angut pineqartoq tigusarineqarpoq aserorterisimasutullu unnerluutigineqareerluni kingorna iperagaavoq.

Aserorterineq pineqarmat angut eqqartuussivimmut sassartinneqanngilaq, Naalakkersuisulli siulittaasuata pigisaanik aserorterinerummat pisoq peqqarniitsutut nalilerneqartoq, sillimasut pisortaata Søren Bendtsenip oqaatigaa. 

Angutip suna naammagittaalliutigisimaneraa oqaaseqarfigisinnaanngilaa, aserorterinerminulli akiligassinneqassasoq sillimasut pisortaata paasissutissiissutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat