Assi: Meeqqagut utaqqikatapput

Kim Kielsenip allattaa appisaluussivoq: Facebookikkut soraarniuteqartoq

Naalakkersuisut siulittaasuata allattaa Eqaluk Høegh, Naalakkersuisunik, Inatsisartunut ilaasortanik, kommuninilu qinikkanik sakkortuumik isornartorsiuivoq.

- Eqalummik ateqarpunga. naalakkersuisut siulittaasuannut allattaavunga. massakkut saqqummiinera soraarniutitut isigineqartariaqarpoq.

Eqaluk Høeghip videoliani Facebookimi ataasinngormat ullaakkut saqqummersitani taama aallarnerpaa.

- Qinikkat pisortallu ima sumiginnaatigisimapput, allatut ajornaqaaq ima oqartariaqarpunga: Eqqartuunneqarsinnaagaluarpusiluunniit, Eqaluk Høegh, qinikkanik isornartorsiuilluni, videoliami, Facebookikkut saqqummersitamini, taama ilaatigut oqarpoq.

Video pineqartoq qulinngulersoq 9000-it sinnerlugit isiginnaarneqareerpoq.

AAMMA ATUARUK Borgmesteri Tasiilaq pillugu: Naalakkersuisunut ikioqqugatta itigartitaavugut

Namminersorlutik Oqartussat Tasiilami isumaginninnikkut ingerlatsineq pillugu nakkutilliiartortitaasa ukiuni kingullerni nalunaarusiarisartagaat Eqaluk Høeghip ima oqaaseqarfigai:

-Paasissutissat ima tupinnartigipput allaat oqartariaqarluta: Qinikkat pisortallu ima sumiginnaatigisimapput, allatut ajornaqaaq oqartariaqarpunga, eqqartuunneqaarsinnaagaluarpusiluunniit.

Taanna isumaqarpoq qilalukkat, tunngaviusumik inatsiseqalernissamut ataatsimiititaliarsuaq, aalisakkanik pisassiiniarneq partiillu ataasiakkaat pingaartitaat utaqqisinnaasut.

- Saammaasseqatigiinnissamut ataatsimiititaliarsuup angusai tigussaasut innuttaasunullu iluaqutaasut suuppat? Soqanngilaq! Angusaqanngilaq, partiit symbolpolitikkernissaminnut periarfissaqarnikuunerat eqqaassanngikkaanni! Eqaluk Høegh oqarpoq.

 

Allaaserisaq videop ataani nanginneqarpoq:

Nunatta politikeriisa, kommunillu politikeriisa sumiginnaanertik ilaannakortumik nassuerutigimmassuk taassuma kamaaatigaa.

- Tupinnaqaaq politikerit siusinnerusukkut iliuuseqarsimanngimmata, Eqaluk Høegh oqarpoq, isornartorsiuineralu tamaanga killeqanngilaq:

- Inatsisartut inatsisaannik inatsiseqarpugut meeqqat atugarissaarnissaannik, peqqissuunissaannik, ineriartornissaannik, toqqissisimanissaannik isumassorneqarnissaannillu pisinnaatitaaffiliisumik. Aamma inatsiseqarpugut Naalakkersuisunik pisussaaffiliisumik; tassalu kommunit inatsimmik naammassinnissinnaaneranik nakkutiginninnissamik, naalakkersuisut siulittaasuata allattaa ilaatigut oqarpoq.

Pineqartoq naatsumik
- DR-ip piviusulersaarutaa "Byen hvor børn forsvinder" Tasiilamut tunngassuteqarpoq.
- Tasiilami meeqqat pingasuugaangata ataatsip kinguaassiutitigut atornerlugaasimasarnera meeqqallu marluugaangata ataatsip kommunip isumaginnittoqarfianut suliassanngortinneqarsimanera piviusulersaarummi saqqummiunneqarpoq.
- Piviusulersaarutip kingunerisaanik Tasiilami nunattalu sinnerani isumaginninnikkut ajornartorsiutit kingumut oqallissaaqqilerput.
- Illuatungiliuttut partiillu tapertaasut Demokraatit aalajangiiffigisassatut siunnersuummik pingasunngormat saqqummiussipput: Naalakkersuisut isumaginninnikkut ikiorneqarnerunissamik Danmarkimut noqqaassuteqarnissaart piumasaqaatigaat.

AAMMA ATUARUK Martha Abelsen: Kommunit isumaginninnikkut ingerlatsinerat tiguneqarsinnaavoq

Inatsisiliat kusarnartut oqaasiinnaapput; politikkerittaluunniit inatsisiliaminnik piviusunngortitsinissamik isumaginnissinnaanngikkunik.

- Inatsisit sumut atussagatsigit; qinikkattaluunniit inatsimmik atuutsitsineq qulakkeersinnaanngippassuk? Eqaluk Høegh aperivoq.

Ajornartorsiutitta anigornissaanut politikkerigut nammineq saperput. Innuttaasutut pisussaaffeqarpugut. Iliuuseqarta. Kajumissutsimik sulisa. Inuttut ataasiakkaatut qanoq iliuuseqarsinnaanerput eqqartortigu, Eqaluk Høegh kaammattuivoq.

Isumaginninnermut naalakkersuisoq Martha Abelsen (S) isornartorsiuisoqarneranut Inatsisartuni ullumikkut akissuteqassaaq. Partiit illuatungiliuttut partiilu tapertaasoq Demokraatit aalajangiiffigisassatut siunnersuuteqarput, Tasiilami nunallu sinnerani isumaginninnikkut ajornartorsiutit pillugit Naalakkersuisut Danmarkimut noqqaassuteqarnissaat piumasaraat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat