Kim Kielsen napparsimalluni sulinngiffeqarpoq
ILUARSISAQ: Attaveqarnermut, Avatangiisinut Aatsitassanullu Naalakkersuisoq Kim Kielsen, ullumimiit atuutilersumik sapaatip akunneranik sivisussusilimik napparsimalluni sulinngiffeqarpoq.
Allattoq Louise M. Kleemann
Kim Kielsen, Narsamut sapaatip akunnera kingulleq ingerlaartilluni angallatip qaavani quaalluni orlulluni qaratsamigut sajuppillatsitsivoq, tamannalu napparsimalluni sulinngiffeqarneranut peqqutaasoq, Namminersornerullutik Oqartussanit oqaatigineqarpoq.
Piffissami tassani Naalakkersuisoq Arkalo Abelsen Attaveqarnermut Avatangiisunullu Naalakkersuisoqarfimmi suliassanut politikikkut akisussaasuugallassaaq.