Assit: Kim Kielsen København ukiortaami ilasseqatigiissitsisoq
Naalakkersuisut siulittaasuat Københavnimi kalaallit sinniisaannut ukiortaami ilasseqatigiissitsinissamut sisamanngornermi qaaqqusivoq.
Allattoq Helle Nørrelund Sørensen, Anton Gundersen Lihn
januaarip 10-at 2019 15:55
Nutserisoq Connie Fontain
Naalakkersuisut siulittaasuat sinniisunut pisarneq malillugu Københavnimi ukiortaami ilasseqatigiissitsivoq.
Naalakkersuisut siulittaasuat Kim Kielsen, aningaasaqarnermut naalakkersuisoq Vittus Qujaukitsoq nunanullu allanut tunngasunut naalakkersuisoq Ane Lone Bagger peqataasut ilagaat.
Danskit naalakkersuisuinit illersornissamut ministeri, Claus Hjort Frederiksen nunanullu allanut tunngasunut ministeri, Anders Samuelsen peqataapput.
Politikerit peqataasut saniatigut Kalaallit Nunaannut atassuteqartut soqutigisaqartullu aamma peqataapput.
Ilisimatooq Minik Rosing, angallannermut ataatsimiititaliami siulittaasuusimasoq, Christen Sørensen kiisalu Københavnimi kalaallit sinniisoqarfiani pisortaq, Lida Skifte Lennert peqataapput.
