Kim Kielsen

Kim Kielsen Folketingimi malinnaatilluni ambulancemit aaneqarpoq

Naalakkersuisut siulittaasuat Kim Kielsen Christiansborgimiitilluni ambulancemit aaneqarpoq. Tamanna Naalakkersuisut Siulittaasuata Naalakkersuisoqarfianit KNR-imut uppernarsarneqarpoq

Allaaserisaq nal. 10.55 nutartigaavoq:

Naalakkersuisut siulittaasuat Folketingimi ammaanersiornermi peqataanernermini ambulancemit aaneqartariaqarsimavoq.

Naalakkersuisut Siulittaasuata Naalakkersuisoqarfiata tamanna KNR-imut uppernarsarpaa. Tamanna naalakkersuisoqarfik naapertorlugu Kim Kielsenip Christiansborgimiinnermini iluaallerneranik peqquteqarpoq, taamaammallu misissorneqassammat napparsimmavisuarmut Rigshospitaliliaanneqartoq.

TV2-mi assiliisup Casper Thorsøp Christiansborgimiitilluni marlunngornermi takusani KNR-imut uppernarsarpaa. Tamatumali saniatigut takunnittut arlallit aamma tamanna uppernarsarpaat.

Kim Kielsen kaassuartakkamiitsillugu ambulancemukaanneqarsimasoq, ilisimajunnaaqqanngitsorli Thorsøp oqaluttuaraa.

Kim Kielsen nulianilu, kiisalu Inatsisartuni siulittaasoq Lars-Emil Johansen Folketingimi ataatsimiinnissat ammaanersiorneqarneranni peqataapput. Lars-Emil Johansenilu pisoq pillugu oqaaseqarumanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat