Kim Kielsen Dronning Margrethep nerersuartitsineranut peqataassaaq
Mexicop præsidentiata nuliatalu pisortatigoortumik Danmarkimut tikeraarneranni Kalaallit Nunaat peqataatitaqassaaq.
Allattoq Jaaku Lyberth
Naalakkersuisut Siulittaasuat Kim Kielsen nulialu, Dronning Margrethep nerersuartitsineranut illussaarsuarmi Fredensborg slotimi pingasunngornermi apriilip ulluisa 13-anni peqataassapput.
Mexicop præsidentiata nuliatalu Danmarkimut tikeraarnerat, Danmarkip dronningiata uiatalu 2008-mi kunngissakkullu 2013-mi Mexicomut tikeraarnerannut malitsigitinneqarpoq.