Savaatillit Peqatigiit Suleqatigiissut, ukiumoortumik Qaqortumi ataatsimeersuarneranni oqallisigineqartut arlaqarput.
Angallannermut Attaveqarnermullu Naalakkersuisup, savaateqarfinni attaveqaatitigut pitsanngorsaatissanik saqqummiussiniarluni neriorsuinera, Niels Lundimit neriulluarfigineqarpoq.
Savaatillit Peqatigiit Suleqatigiinni siulittaasuusimasup, siulersuisunullu suli inissitsitinngitsunut qinigaaqqittup, Niels Lundip, Angallannermut Attaveqaateqarnermullu Naalakkersuisup Kim Kielsenip, savaateqarfinni attaveqaatit pitsanngorsaavigineqarnissaannik saqqummiussinera isumalluarnartoqartippaa.
Savaateqarfiit, Nanortallip, Narsap Qaqortullu kommuniani 50-it missaannik amerlassuseqarput.
Savat savaaqqallu neqaasa akiinik aamma NEQI A/S-mik isumaqatiginninniarneq, tunisinermi akinik 3 procentimik qaffariaateqartitsisimavoq.
Narsami aappaagu ataatsimeersuartoqassaaq.
