Kim Kielsen annaassiniarnermi peqataasoq

Naalakkersuisut siulittaasuata ajutoorfimmiinnerani, savalimmiuni politikerit marluk aamma aporfimmiipput. Umiatsiat aportut aappaa kivereersimasoq aporfimmut apuussimallutik savalimmiuni partiimit Folkeflokkenimit Jørgen Niclasen oqaluttuarpoq.

- Kim Kielsen sioqutilaarluta angallamminik apuussimavoq. Taamaalinerani angallat ataaseq kivereersimavoq, allalu putusimalluni. Kim Kielsenip inuttat angallamminut ikaartippai. Ikioqatigiillutalu ulissumik immakkiartornera annikillisinniarsaraarput, Jørgen Niclasen Sermitsiaq.AG-mut nassuiaavoq.

Umiatsiaq ajornartooqqasoq aalisarimmik kalillugu ataasinngornermi unnukkut kingusissukkut Nuummut tikiunneqarpoq. Umiatsiani ajutoortuni ilaasut sisamat ajunngitsut nunatsinni politiit paasissutissiissutigaat.

Magni Laksafoss aamma ajutoorfimmiippoq. Facebookimullu quppernermut assit arlariit ikkussimasai uani ataani takusinnaavatit:

KNR-ip Kim Kielsen attavigaat, pisumulli tunngasunik oqaaseqarusunngilaq.