Inatsisartuni ilaasortaq Kim Kielsen, Siumut, Ineqarnermut, Attaveqarnermut, Aatsitassanut Ikummatissanullu Naalakkersuisunngortussatut Naalakkersuisut siulittaasuanit, Hans Enoksen-imit, innersuussutigineqarpoq.
- Kim Kielsen naalakkersuinikkut ingerlatsinermik suliaqarnermik misilit-tagaqarlualereernikuuvoq Inatsisartunilu ilaasortanngornerminiit maannamut sullerissutsimik tutsuiginaateqarluarnermillu takutitsereerluni, Naalakkersuisut siulittaasuat Hans Enoksen innersuussuteqarnerminik tunngavilersuivoq.
- Naalakkersuisut siulittaasuatut pingaartippara innuttaasut Inatsisartunut ilaasortatut qinigaanik Naalakkersuisunngortitsinissaq, Naalakkersuisut siulittaasuat Hans Enoksen erseqqissaavoq.
Kim Kielsen-ip Naalakkersuisuusimasoq Jørgen Wæver Johansen taarserlugu Naalakkersuisunut ilaasortassatut innersuussutigineqarnera Inatsisartut 9. marts 2007 ataatsimeeqqilerneranni aalajangiiffigineqassaaq.
Kim Kielsen kingullermik Inatsisartunut 15. november 2005 qinersinermi qinigaavoq, tamannalu sioqqullugu Paamiut kommunalbestyrelsiani qinersinermi kingul-lermi 5. april 2005 Siumut sinnerlugu qinigaalluni.
Kim Kielsen Nuummi politinngorniarfimmit polititut ilinniakkaminik 1996-imi naammassinnippoq.