Naggorissaatiliorfiup tallimanngornermi ammaanersiorneqarnerani Kim Jong-un peqataasoq, Korea Avannarliup naalagaaffiata TV-eqarfiani takuneqarsinnaasimavoq.Assi: Kcna/Reuters/Ritzau Scanpix

Kim Jong-unip sassaqqinnera Trumpip nuannaarutigigaa

Kim Jong-unip qanoq innera sapaatit akunnerpaalunni nalornisigineqareersorlu, inuttaa tallimanngornermi pisortatigoortumik sassarpoq. Tamannalu Trumpip nuannaarutigaa.

Korea Avannarliup siuttuata Kom Jong-unip qanoq innera sapaatit akunnerini pingasuni nalorsigineqareersorlu, inuttaa tallimanngormat pisortatigoortumik sassarpoq, tamannalu USA-p præsidentiata Donald Trumpip nuannaaruutigaa.

- Ajorani sassaqqimmat nuannaarpunga, Donald Trump tweetimi arfininngornermi allappoq.

Naggorissaatiliorfiup tallimanngornermi ammaanersiorneqarnerani Kim Jong-un peqataasoq, Korea Avannarliup naalagaaffiata TV-eqarfiani takuneqarsinnaasimavoq.

AAMMA ATUARUK Tusagassiorfiit: Kim Jong-un suliaritereerluni peqqinngilaq

Nutaarsiassaqartitsivik Reuters naapertorlugu Kim Jong-un apriilip ulluisa aqqarnganni kingullermik pisortatigoortumik sassarpoq.

Kim Jong-unip siviisuumik peqannginnera napparsimasorujussuuneranik toqusimasimannaaneranilluunniit isumaliutigineqaleraluarpoq.

Korea Avannarlermik tungaviliisup Kim Il Sungip nalliunnerata malunnartinneqanerani peqataanngimmat oqallisigineqarnera annertusivoq. Kim Il Sung 15 april 1912-ilimi inunngorpoq.

Ulloq taanna Korea Avannarlermi pingaartinneqartorujussuuvoq, Kim Jong-unilu naalagaaffiup siuttuatut Kim Il Sungip timaata aanaveersaakkap ilivianut alakkaattaraluarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat