Kim Jong-unip Putinillu naapinnissaat Korea Avannarlermit uppernarsarneqartoq

Korea avannarliup nutaarsiassaqartitsivia taama nalunaaruteqartoq, Reuters allappoq.

Taakku naapinnissaannut maannamut suli ulluliisoqanngitsoq, taamaattorli sivisujunnaartoq nutaarsiassaqartitsivik allappoq.

- Putinip qaaqqusineratigut qanittumi Kim Jong-Un Ruslandimut tikeraassaaq. Tikeraarnerani isumaqatigiinniarniassasut, allappoq.

Kim Jong-Unip apriilip sinnerani Ruslandimiinnissaa poorski sioqqullugu russit præsidentiata allattoqarfianit nalunaarutigineqarpoq.

Taakku siullermeerlutik naapittussanngorput.

Februaarimi Kim Jong-unip USA-p præsidentia Donald Trump Hanoimi naapippaa. Taakkulu aappassaarlutik naapillutik, aappassaaneerneranilu isumaqatigiinniarnerat tamaanaannaq kipivoq, isumaqatigiissinnaannginnerat pissutaalluni.