Kim Godtfredsen Københavnimi marathonimi angusarissaarpoq

Arpattartoq Kim Godtfredsen Københavnimi takisuumut arpaliunnermi ”Copenhagen Marathon”-imi ullumi nr. 7-iulluni tikippoq.
Allattoq Najaaraq Egede
maajip 18-at 2008 13:25

Københavnimi arpaliunnermi inuit 8.000-it sinneqartut peqataapput.

Kim Godtfredsenip 42 kilometerinut atorsimavai 2 tiimit 29 minutsit sekundillu 25-t, taamaalilluni 2 tiimit 30 minutsillu ataallugit arpannissaminik anguniakkani anguaa.

- Ilimagisannit arpalluarneroqaanga, 42-inik ukioqangajalersoq Kim Godtfredsen nuannaaqaluni oqarpoq, oqarluni nr. 7-inngornermigut Danmarkimi arpattartuuginnarnissani tamaanga killeqanngitsoq.

Københavni seqinneraluarluni kiarujussuarsimanngimmat arpaffigiuminarsimasoq aamma oqaatigaa.

Kim Godtfredsenip arpattartoqataalu Spartameersut assut ullumi angusarissaarput, seniorit veteranillu katillugit pingasunik medaljannassimallutik. Seniorit veteranillu tamarmik kuultinnapput, veteraninilu Kim Godtfredsen bronzennalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq