Killisiorneqartoq eqqaamasaqanngilaq
Allattoq Carla Davidsen
Københavnimi politiit kalaaleq angut 30-nik ukiulik ullumi killisiorpaat, angusaqangaaratilli.
Angut taanna unnuakkut arfininngoriartuutaani Nordvestkvarterimi saassunneqarpoq savimmillu kapoorneqarluni, politiit isumaat malillugu aallamiunit Danmarkimut nuunnernit.
Pingasoriarluni kapineqarluni puammigut akornuserpoq, Rigshospitalimilu aallaqqaammut respiratorilertariaqarsimalluni.
Bellahøj stationimi pinerluttulerisut suliaq tigummivaat oqarpullu kalaallip killisiornera nutaamik kinguneqanngitsoq, kalaaleq eqqaamasaqanngimmat.
Politiilli misissuinertik nangippaat.