Assi: Naalakkersuisut

Killiliisap kinguaassiutitigut atornerluisarnerit unitsissagai

Kinguaassiutitigut atornerluisoqartarneranut ukiuni sisamaata affarmi tullerni akiuiniarnissap ilusissaa ulluni saqqummiunneqarpoq.

Isumaginninnermut inatsiseqarnermullu naalakkersuisup Anthon Frederiksenip kinguaassiutitigut atornerluisoqartarneranut akiuiniarnissamut pilersaarut nutaaq Killiliisa saqqummiummiuppaa.

Ukiut tallimat qaangiuppata 15-iniit 29-nut ukiullit akornanni kinguaassiutitigut atornerluisoqartarunnaassaaq, ukiumilu 2022-mi inunngortut atornerlugaarsortaqanngilluinarlutik. Killiliisami anguniakkat ilaat tamakkuupput.

 - Nunatsinni kinguaassiutitigut naapertuilluanngitsuliornerit ikilisinnissaat anguniakkani pingaarnerpaavoq. Taatumunnga ilutigitillugu innuttaasunut kinguaassiutimikkut atornerlunneqarsimanermut arlaatigut kalluarneqarsimasuinut pitsaanerusumik siunnersuisoqalissaaq, tapersersuinerusoqalissaaq katsorsaalluarnerusoqalissallunilu.

AAMMA ATUARUK Kinguaassiutitigit atornerluisarneq akiorniarneqarlugu periusissiaq nutaaq

Isumaginninnermik aqutsisoqarfiup pilersaarummik ataqatigiissaarisua Ditte Enemark Sølbeck taama nassuiaavoq.

Akiuiniarnissamut pilersaarummi sammisat arfinillit suliaqartunit assigiinngitsunit 48-nit siunnersuutigineqarpoq.

Paasissutissat, pinaveersaartitsineq, suliaqarfiit assigiinngitsut suleqatigiinnerat, pinerluuteqarfiusut qanigisaallu, illoqarfimmiut kinguaassiutitigullu atornerluisutut pissusilersortut.

Sammisani siunnersuutit assigiinngitsut 48-t siunnersuuutigineqarput. 

AAMMA ATUARUK Eqqumiitsuliortoq: Kinguaassiutitigut kannguttaatsuliornerit unitsinneqarnissaat politikerit akisussaaffigaat

Matumani meeqqanik kinguaassiutimikkut atornerlunneqarsimasunik naammattuuiniallaqqinnerunissaq, kinguaassiutitigullu atornerluisuusutut pissusilersortunik katsorsarneqarnissamut neqerooruteqarluarnerulernissat ilaatigut ilaatinneqarput.

Kinguaassiutitigut atornerluisarnermut akiuiniarnermut qaammarsaanernik pilersaarutinilluunniit siusinnerusumi pilrsaaruteqareerpoq, assersuutigalugu NAKUUSAp akiuiniarnera Ullut Tamaasa Naalakkersuisullu atornerluisoqarnerata kinguneranut iliuusissatut pilersaarutaa.

Ditte Enemark Sølbeck naapertorlugu unitsitsiniaaneq sammineqarnerukkajupput, tamannalumi aamma pisariaqarpoq. Pilersaarummili maanna tamaat ataatsimut pilersaarutigineqarpoq.

AAMMA ATUARUK Nakuusa kinguaassiutitigut atornerluisarneq akiorniarlugu suliniummik saqqummersitsisoq

- Ajornartorsiut nungutissagutsigu, taava allaanerusumik tamakkiinerusumillueqqarsartariaqarpugut. Pinaveersaartitsineq aallaqqaammut eqqarsaartigalugu,malitseqartinnissaa tulliullugu, taava kinguaassiutitigut kanngutsaatsuliornermik pissusilersuuteqartut aamma ilanngullugit, taakkua aamma assersuutigalugu katsorsarneqassammata. 

Suliniutit aalajangersimasut ullumikkut aallarnerneqarput pilersaarutillu atuunnerani tassa 2018-imit 2022-mut ingerlaavartumik suliarineqassallutik.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat