Killilersuineq allannguisitsinngilaq

Qaanaami imigassap matunera, Qaanaami politiit

sulinerannut allannguutaanngilaq, inuttaasut suli aalakkuttarput, alakoortoqarneranilu eqqissiviilliornerit suliaannut ilaapput, Qaanaami politeeqarfiup pisortaa Åge Jensen oqarpoq.

Angerlarsimaffinni immiortarnerit, sinerissamitulli ippoq. Imigassamik tuniniaanerup matuneratigut, sinerissamiit Qaanaamut imigassanik inniminniiniartoqartarsimagaluartoq, Upernavimmi Pilersuisup pisortaa, Jens Napagtoq oqaluttuarpoq, tamannali inerteqqutaavoq, timmisartukkut imigassanik assartuineq killeqarmat, kisiannili malunnarpoq, imigassanik nassitsisoqartartoq. Pituffimmiit timmisartukkut Qaanaamut timmisitsisoqartarpoq sapaatip akunneranut marloriarluni, Pituffimmili aqqusaarnermi imigassamik pisisoqarsinnaanngitsoq, timmisartortitseqatigiiffiup Air Greenland-ip Pituffimmi Pisortaa Jim

Naalakkersuisut Qaanaami imigassamik tuniniaaneq matuaat maajip ulluisa aqqarngani. Ullumilu innutaasut taasitineqassapput, imigassap ammaqqinnissaanut periarfissat assigiingitsut pingasut, killeqanngitsumik tuniniaaneq ammaqqinneqassanersoq, immiaaqqat viinnillu kisiisa tuniniarneqartalissanersut imaluunnit pointit atorlugit imigassarsisoqartalissanersoq.

Taasisitsineq kommunip allaffiani maanakkut ingerlanneqarpoq ualimmullu sisamat tungaanut innutaasut taasinissaminnut periarfissaqarput.

Nalunaaqutaq aqqanernut qaanaami innuttasut 18,4 procentii taasiartorsimapput, taasisinnaasullu 400-it missaanniipput.