Killeqarfimmik assiliorneq naammassivoq

Nunatta Canadallu killeqarfiannik immap naqqani nunarsuup toqqavianiittumik Canadamiut danskillu ilisimatuuisa sumiissusersiniaallutik misissuinertik naammassivaat, Danskit kalaallillu nunap sananeqaataanik misissuisarfiat GEUS Danmarkimiittoq taama nalunaarpoq.

Misissuineq sapaatit akunnerini arfinilinni silarluup ataani ingerlanneqarsimavoq, taamaattorli iluatsilluartoq oqaatigineqarluni. Immap naqqanik sajuppillatsitsisarluni misissuinermit paasissutissat

pissarsiarineqartut maanna misissoqqissaarneqarnissaat tullinnguuppoq.

- Nuannaarpunga inernerusullu naammagisimaarlugit, ilisimasassarsiorneq iluatsilluarpoq, naak pissarsiarerusutagut tamakikkinngikkaluarlutigit, misissuinermi pisortap aappaa GEUS-imeersoq Trine Dahl-Jensen oqarpoq. Misissuinermi LORITA-1-mik taaguuteqartinneqartumi pisortap aapparaa, Canadami nunap sananeqaataanik misissuisarfimmeersoq Ruth Jackson.

Avannaarsuani issittup imartaaniit kitaani Ellesmere Island angullugu misissuisoqarpoq.