Killeqarfilerngusaattut isumaqatigipput

Avannaarsuani immap killeqarfia Varangerfjordimi silarlermiittoq, Norskit Russillu isumaqatigiissutigaat. Isumaqatigiissutaasoq sap.akunnerata tulliani atsioqatigiissutigineqassaaq. Norskit statsministeriat Jens Stoltenberg, Russillu præsidentiat Vladimir Putin naapeqatigiissapput.

Taamaasilluni Barentsip imartaani killeqarfik ukiorpassuanngulersuni assortuussutaasimasoq aamma inissinneqassasoq neriuutigineqarpoq. Barentsip imartaani gasseqarluarlunilu uuliaqarluartoq, geologit oqaatigisarpaat. 1957-imili Russit norskillu akornanni isumaqatigiittoqarmat, aatsaat isumaqatgiittoqaqqippoq, taamaammat statsministeri Jens Stoltenbergi isumalluarpoq.

- Taamatut isumaqatigiiginnassagutta neriuppunga Barentsip imartaani killeqarfik aamma isumaqatigiissutigisinnaassallutigu Stoltenberg, nutaarsiassaqartitsivimmut Interfaximut oqarpoq.

Barentsip imartaani killeqarfilerngusaanneq pissutaalluni uuliamik qalluisoqarsinnaasimanngilaq.

Ikummatissamik qalluilertoqassappat, Europap ilarujussua pilersorneqarsinnaalissasoq oqaatiginiarneqartarpoq.