Kilitsissiat Ruslandimi naalagaaffimmi isertortumik paasiniaasartunit, SVR-imit,paasiniaavigineqaqqittussanngorunarput.
Kilitsissiat USA-mi juunip naalernerani tigusarineqartut, Facebookimik atuisarnertik pillugu Ruslandimi tusagassiorfinnit, siornatigullu kilitsissiaasimasunit, isornartorsiorneqarput, aamma teknikkimik atuinerat qanganisaanerarneqarluni.
- Kilitsissiat immikkut ilisimasalinnik maanna suleqateqarput, naalagaaffiup isertortortumik paasiniaasartuisa tusarfiat, aterminik isertuussisoq, Ruslandimi aviisimit Moskovskij Komsomotetsimit apersorneqarluni oqarpoq, nangillunilu:
- Suliaat qanoq ilillutik paasineqarsimanersut maanna paasiniarneqarpoq, tusarfik oqarpoq.
Russit kilitsissiat assingiinngitsunik apersorneqarput misiligarneqarlutillu, sallunermik paasinialluni misissuut aamma atorneqarluni. Tusarfik nassuiaavoq.
- Oqarsinnaanngilagut killisiorneqartut. Annertuumilli kukkussuteqarsimappata naalagaaffiup isertortumik paasiniaasartuinit, SVR-imit, soraarsitaasinnaapput, oqarpoq.
Kilitsissiat inissisimaffimminni oqarasuaatinik angallattakkanik atueqqusaanngillat, aamma sumiiffitsik qimaqqusaanngilaat.