Kilitsissiaq kalaaleq saamerliuniartuusimavoq

Politikeri kalaaleq Sovjetunioniusimasoq suleqatigalugu kilitsissiatut ukiuni arfinilinni sulisimavoq. KGB politikerimillu nunatsinneersumik qanittumik suleqatigiittoqarsimanera PET pillugu misissuisut isumaqarput.
Allattoq Mads Lynge
juunip 25-at 2009 08:29

Sovjetunioniusimasumi isertortumik paasiniaasartut KGB taama isumaqarput, Danmarkimi isertortumik paasiniaasartut PET pillugu misissuisitat PET-kommissionimik taasat nalunarusiaanni atuarneqarsinnaavoq.

Sovjetunioniusimasup Danmarkimi aallartitaqarfiani sulisoq Minin-imik ateqartinneqartoq politikerimik Nunatsinneersumik attaveqarsimaneragaavoq, politikerilu Nunatsinneersoq "Manas"-imik taaguuteqarsimaneragaalluni.

Politikeri taanna 1976-imili attavigineqalerpoq, kinaassusiali Danmarkimi politiit isertortumik paasiniaasartut PET pillugu nalunaarusiami takuneqarsinnaanani.

Politikeri Kalaallit Nunaanneersoq attavigineqarluarsinnaasutut KGB-mit 1977-imi nalilerneqarpoq. Politikerip "Manas"-imik taaguuteqartinneqartup saamerliuniartuusimanera PET pillugu nalunaarusiami allassimavoq, KGB-li suleqatigalugu ilumut kilitsissiaasimanersoq, 1996-imi PET-mi pisarsimasunik misissuisunit apeqquserneqartoq, PET-mik misissuisut taamani oqaaseqaataani allassimavoq.

(Bind 14: PET’s virksomhed i forhold til Grønland og Færøerne - ataani aaneqarsinnaavoq)

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq