Kilitsissiaq 007 danskimit peqataaffigineqassaaq
februaarip 16-at 2006 17:22
”Casino Royale”-mik taaguuserlugu James Bond tulliani ilmiliarineqalerpat, danskeq isiginnaartitsisartoq, Mads Mikkelsen, inupiluusaarluni Le Chiffremik ateqartuusaarluni ilaasussanngorpoq.
Aningaasanoortartorsuaq naakkittaatsoq Le Chiffre, kilitsissiap 007-p toqunniarsarisussaavaa.
Filmi novemberimi takutinneqaqqaalerpat James Bondiusaartoq nutaaq, Daniel Craig, Mads Mikkelsen peqatigalugu takuneqarsinnaassaaq.
Filmimi danskit isiginnaartitsisartuat alla, Jesper Christensen, aamma filmiliornermi ilaasussaalluni Ekstra Blademut oqarsimavoq. Jesper Christensen aningaasanik pinnguartarfimmi piginnittuusaarniarpoq.