Kilisaatip Ruslandimeersup Savalimmiuniittup inuttai 29-t coronavirusimik tunillatsissimasut
Kilisaatip Ruslandiminngaanneersup Savalimmiuniittup inuttai 29-t coronamik tunillatsissimasut paasineqarpoq.
Savalimmiuni misissorneqaramik tunillatsissamut paasineqarpoq, nunamukarnissaminnullu itigartinneqarlutik. Savalimmiuni nutaarsiassaqartitsivik, Det Færøske Nyhedsbureau, taama allappoq.
Inuttat marluk tunillatsissimanermik ersiuteqartut kilisaatimeersut Savalimmiuni oqartussanut Kollafjørdimut tikinnginnerminni aggustip ulluisa 23-anni kalerriutigisimagaat, Det Færøske Nyhedsbureau allappoq.
AAMMA ATUARUK Savalimmiuni nakorsaaneq: Tunillatsissimasut nakkutigineqarsinnaapput
Taamaammat inuttat 77-it tamarmik misissorneqarput. Tunillatsissimasunilu 29-usuni marluk napparsimmavimmut unittut, Savalimmiuni peqqissutsimut oqartussat nalunaarutigigaat Det Færøske Nyhedsbureau allappoq.
Aamma umiarsuarni marlunni Ruslandimeersumi Litauenimeersumilu Klaksvíkimut aqqusaartuni juulip naalernerani tunillaassuuttoqartoq, Det Færøske Nyhedsbureau allappoq.