Kilisaataatillit eqqartuussisulersuussinertik unitsikkaat
Namminersorullutik Oqartussanut eqqartuussivik aqqutigalugu suliassiissut Nunatta Eqqartuussiviani suliarineqartussanngortorlu suliassaq tunuartinneqarpoq.
Suliami pineqartoq tassaavoq kilisaataatillit pingasut milliuunilikkaanik taarsiivigitinniarlutik Nunatta Eqqartuussiviatigut suliassanngortitsisimagaluarmata, tamanna pissuteqarpoq Nunatta EU-mut isumaqatiginninniarneranut atatillugu 2003-mi Athen-Protokolimik taaneqartartumik EU 4.000 tonsinik Kalaallit Nunaata kitaani raajartassinneqarsimammat malitsigisaanillu aalisarnermut inatsit allanngortinneqarsimalluni.
Namminersornerullutik Oqartussat eqqartuussisuserisuat, siornatigut kammeradvokatiusimasoq M. Gregers Larsenip maannakkut paasissutissiissutigaa, kilisaataatileqatigiit Ice Trawl Greenland, Niisa Trawl aamma Qajaq Trawl Nunatta Eqqartuussivianut suliassiissutertik tunuartissimagaat. Kilisaatik suliassanngortitsisimagaluartut arfiniliusimagaluarput.
APK-mit suliassiinermi sinniisuuffigineqartut, maannakkullu suliassiissummik aalajangiussisimasut tassa pingasuinnanngorput.
Suliami piumasaqaat tassaavoq, namminersornerullutik oqartussat isumaqatiginninniarnerminni raajanik pisassiissutit ”pinngitsaaliissummik taarsiissutitalimmik pigisamik piginnikkunnaarsitsisimanerat, taarsiivigitinnissamillu piumasaqaat tassaavoq 27 millioni koruunit pallillugit taarsiivigitinnissaq. Suliassarlu maanna tassa tunuartsinneqarpoq.
