Kilissaataatileqatigiit qulingiluat Imarsiornermut Ilinnarfimmut aningaasaliisut tassaapput Royal Greenland, Polar Seafood, Arctic Prime Fisheries, Ice Trawl Greenland, Niisa Trawl, Qajaq Trawl, Qaleralik, Sigguk A/S aamma Sikuaq Trawl.Assi: Grønlands Maritime Center

Kilisaataatileqatigiit qulingiluat Imarsiornermut Ilinniarfimmut aningaasaliisut

Sungiussaatigalugu ilinniut Norgemiunit ineriartortinneqartoq Nuummi imarsiornermut ilinniarfiup Kunngeqarfimmi Danmarkimi siullersaalluni atulissavaa

Imarsiornermik Ilinniarfimmi ilinniartut, kilisaatit aquini suliassanik pisuusaartitsillutik ilinniarsinnaalissapput.

Sungiusaatigalugu pisuusaartitsineq isiginnaarutikkut malinnaavigineqarsinnaasoq ilinniartut aappaagu atorsinnaalissavaat.

Kilisaatip aquttarfianit takuneqarsinnaasut pisuusaartitsinermi Imarsiornermik Ilinniarfimmi maannakkut ilinniarneqarsinnaareerput.  

- Maannakkut aquanit pisuusaartitsineq, angallatip qaavani susoqarsinnaanera, amuarnerit ningitsinerit assigiinngitsullu mianersorfissat suunersut eqqumaffigilluasalerniassammassuk kilisaatini aalisartunngortussat aalisariutinilu inuttanngorniat Imarsiornermik Ilinniarfimmi ilinniartuupput, ilinniartitaanermut pisortaq Bent Olesen oqarpoq.

Pisuusaartitsilluni ilinniut qarasaasiaq 3,2 millionit koruuninik akeqartoq nunatsinni kilisaataatileqatigiit qulingiluat aningaasaliinerisigut pisiarineqartussanngorpoq.

Angallatip aquani pisuusaartitsilluni ilinniut simulatori 2020-p ukiuata affaani siullermi atulerpat ilinniartitsineq oqinnerulissaaq.

- Imarsiornermik Ilinniarfimmi ilinniartut, umiarsuarnut kilisaatinullu ikinnginnerminni suut pineqarnersut paaseriissavaat, Imarsiornermi Ilinniarfimmi ilinniartitsisarnerput oqinnerulissaaq, atuakkanik atugarsornermiit pissutsit isigalugit ilikkagaqarsinnaalissagamik, Imarsiornermut Ilinniarfimmi ilinniartitaanermut pisortaq Bent Olesen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat