Kilisaat raajarniut unioqqutitsisimasutut pasineqartoq

Kilisaat raajarniut raajarniarfigeqqusaanngitsumi kilisassimaneranik pasillugu sinerissami nakkutilliisunit ikiffigineqarpoq, Kangilinnguani sinerissami nakkutilliisut Grønlands Kommando nittartakkaminni taamatut allaaserisaqarput.
Allattoq Jaaku Lyberth
februaarip 26-at 2009 07:18

Kilisaammi naalagaq raajarniarnissamut akuersissutigineqartut avataani kilisassimasutut sinerissami nakkutilliisunit pasineqarpoq. Kilisaat raajarniut sinerissami nakkutilliisunit piffissami sivisunerusumi qaammataasat atorlugit alapernaarsuiffigineqarpoq, tamannalu iluaqutigalugu paasineqarluni raajarniarsinnaanermut akuersissutip avataani kilisattoq.

Kalaallit Nunaanni raajanik kilisaffigeqqusaasoq basis linieamik taaguteqartinneqartoq ukioq 2004-imi allanngortinneqarpoq, tamatuma kingorna sinerissami nakkutilliisunit arlaleriniarluni maluginiarneqartarpoq takuneqartarlunilu kilisaatit immap assinganik eqqortunik peqarneq ajortut.

Taamaattumillu kilisaatit angallatillu tamarmik sinerissami nakkutilliisunit kajumissaarneqarput immap assingi pigisatik nutartissagaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq