Kilisaat nunatsinneersoq ikuallattoq

Royal Greenlandip kilisaatitoqaa Royal Paamiut Frederikshavnimi ingitserneqartoq ualiartoq ikuallalermat ilungersunartunik pisoqaleraluarpoq.

Kilisaat ikuallattoq ulorianarsinnaasumik pujuliuleraluarmat Frederikshavnimi politiit illoqarfiup ilangaatsiarsuani innuttaasut isersimaannaqqullugillu aninaveersaaqquleraluarpaat.

Kilisaammi atoqqittussaajunnaarluni ingutserneqalersumi ikuallanneq aallartippoq Danmarkip nalunaaqutaa malillugu ataatsip qeqqa. Qatserisartut 28-t ikuallaffimmiitinneqartut DR-ip Jyllandip avannaani immikkoortoqarfia nalunaarpoq.

Pujoq ilorianartoq pileraluarpoq kilisaatip kiffiutissaanit skummimik sanaajusumit.

- Aallaqqaammut ikuallaffik ima kiatsigaaq pujorsiortartut anersaartuuserlutik iserlutik qamisaasinnaasimanatilluunniit, qatserisut aqutsisuat Tommy Rise P4 Nordjyllandimut oqarpoq.

- Allatut ajornartumik kilisaat putullugu iserfiusinnaasumik sanasimavugut taamaasiorniarnitsinnilu ikuallanneq siarualertorsimavoq, Tommy Rise oqarpoq.

Danmarkip nalunaaqutaa malillugu arfernup missaani ikuallanneq qamikkiartulersimavoq aammalu Frederikshavnimi politiit nalunaarutigisinnaasimallugu aneqqusiunnaarallarneq atorunnaartoq.

Kilisaat Royal Paamiut nunguusavilluni ikuallappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat