Kilisaat ikuallattoq qamippaat
Qujanartumik ikuallannermi inunnik ajoqusertoqanngilaq, ikuallannerli ima annertutigisimavoq illoqarfimmi saniliani najugallit Athenap ikuallannerani malinnaasinnaasimallutik. Maanna ikuallanneq qamippoq kilisaassuarmilli 105 meterisut takitigisumit suli pujorpoq.
Illoqarfimmi Runavikimi innuttaasut 1.500-ut qimarngunneqarsimmapput qaartoortoqarsinnaanera aammalu ammoniak kilisaassuarmiittoq 15 tonsiusoq toqunartuliulersinnaasoq aarleqqutigineqalermata. Ammoniakili imerpallassimammagami ulorianartorsiortitsisimanngilaq.
Runavik Savalimmiuni illoqarfiit annersaasa pingajoraat illoqarfiit pingaarnersaannit Torshavnimit taamaallaat akunneq ataaseq biilerluni ornittariaalluni tassanilu najugallit ikuallanneq malinnaaffigisimavaat.
Ikuallanneq maanna qaminneqareerpoq misissuinerli suli aallartivinngilaq.
- Kilisaassuup iluani kissarneq pilersoq sakkortoorujussuuvoq aamma ilimagaarput suli maskiinaqarfiani ikuallattoqartoq maskiinaqarfiup silaannarissarfiatigut suli putsumik aniasoqarmat, ajutoorfimmi ataqatigiissaarisoq Hallgrim Hansen JP.dk-mut taama oqarpoq.
