Kilisaat 20.000 koruuninik akiligassinneqartoq

Allattoq Mads Lynge
aggustip 01-at 2006 16:55

Pisanik unioqqutitsilluni eqqaaginnarsimaneq pissutigalugu, kalaallit kilisaataataat LOMUR 20.000 koruuninik akiligassinneqarpoq.

Umiarsuaaqqap alapernaarsuutip Tulukkap pisarneq malillugu, kilisaammut LOMUR-imut ikilluni misissuinerata takutippaa, inerteqqutaasumik iliortoqarsimasoq.

Kangilinnguani sakkutooqarfik nittartakkaminni allappoq, kilisaat unioqqutitsilluni pisanut eqqaavilerneqarsimasoq paasineqartoq.

Umiarsuup inaata naqqa aqqutigalugu, pisanik immikkoortiterut toqqaannartumik immamut attavilerneqarsimavoq. Aamma pisarisuukkat katersuivilerneqarsimanngillat oqimaalutarneqartarsimanatilluunniit.

Tamanna Kalaallit Nunaata aalisarnermut inatsisaannut naapertuutinngimmat, LOMUR 20.000 koruuninik akiligassinneqarsimavoq.

Kilisaatip naalagaata pasilliut akueraa, suliassarlu eqqartuussinertaqanngitsumik naammassineqarpoq.

Saniatigut pisanik immikkoortiterutip iluarsineqarnissaanik peqqussut siunissami malissallugu kilisaatip naalagaata neriorsuutigaa.