Ujaasineq: Ningittagarsuummi inuttaq Nunap Isuata qanittuani katataasoq

Issittumi Sakkutooqarfimmeersut inummik ningittagarsuummit katataasimasumik Nunap Isuata ungasinngisaani ullumi pingasunngornermi ujaasipput.
Allattoq Kenneth Elkjær
aggustip 22-at 2018 14:24
Nutserisoq Simon Uldum

Allaaserisaq Issittumi Sakkutooqarfimmit paasissutissanik nal. 14.48 nutarterneqarpoq.

Ujaasineq pingasunngornerup ullaavanili aallartippoq. Politiit ullaap tungaani kalerrinneqarput ningittagarsuummi inuttaq Ikerasassuup anigguata nalaani katataasimasoq, politiineersoq Julie Senderovitz Bendtsen taama ilisimatitsivoq.

Ujaasineq Issittumi Sakkutooqarfimmit akisussaaffigineqarpoq. Ningittagarsuummiillu kakataasoq ningittagarsuummi inuttaasoq ilisimatitsissutigineqarpoq.

- Nalunaaquttap akunneri arfinillit affarlu ujaasereerpugut. Akunnerillu arlalinngoreeraluartut ujaasinerput ingerlatiinnassavarput, Issittumi Sakkutooqarfimmi attaveqarnermik suliaqartoq Jette Elkjær nal. 14.45 taama ilisimatitsivoq.

Issittumi Sakkutooqarfiup qulimiguuliutaa Seahawk aamma timmisartoq suluusalik Challenger ujaaseqataatinneqarput. Aamma takornariartaat Astoria ujaaseqataavoq, pingasunngornermi ualisoq ingerlaqqissimalluni.

Arctic Prime Fisheriesimit paasissutissiissutigineqarpoq ujarneqartoq kilisaataatiminnit Aja Aajumit katataasimasoq. Suliffeqarfik annertunerusumik oqaaaseqaqqikkusunngikkallarpoq.

Ujarneqartumut ilaqutaasut qaninnerit ilisimatinneqareerput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk