Kiliffak asseqanngitsoq nassaarineqartoq
Ilisimatuut Ruslandimeersut uissuumminartumik nassaarsimapput, tassami kiliffak Sibiriami qeqertani Lyakhovskyp qeqertaanik taaneqartartuni ukiut 10.000-it matuma siornatigut uumasimasoq nassaarisimagamikku. Tamanna immini uissuumminanngilaq, uissuumminartuali tassaavoq kiliffaap aava issorsimanngimmat.
Ilisimatooq Semyon Grigoryev Lyakhovskyp qeqertaanut ilisimasassarsiorluni angalanermik aqutsisuuvoq, kiliffaallu quttorai qerisut misissoramikku paasivaat aava issorsimanngitsoq.
Kiliffaap aavata issorsimannginnera periarfissatsialattut Semyon Grigoryevip isigaa, tassami timip kingornussassartai sunniivigalugit kiliffammik pinngortitsisoqarsinnaanersoq misilinniaraat taassuma oqaatigaa.